「鈴鈴鈴~ 鈴鈴鈴~ 電話響起鈴鈴鈴~
    喂喂喂~ 喂喂喂~ 請問你找那一位~
    我知道~ 我知道~ 我知你找陳嘉麗~
    請等等~ 請等等~ 我叫麗麗聽～電～話～」
近排轉左留言, 嚇呆左十九幾個人
唔係我唱架請唔好鄙視我 >_<  ( 擺左羅歡儀上臺 )
留言一: " 下? (笑完cut線) " <---  (最多人係咁)
留言二: " 幼稚園呀下? 咁好唱口~...(3秒) 喂? 喂喂喂?! 喂!!!!!!!!!!!? Y你個死仆街Y! "
留言三: " (跟住唱) 鈴鈴鈴~ 鈴鈴鈴~ 我(唱錯)你(又錯),  哎吔有屎既? "
留言四: " 喂?? 又話叫嘉麗聽電話... 去左邊呀?! 又唔出聲!!?  喂?????  "

前排好多野做, 忙到連覆診都唔記得, 藥都冇得食!
最激連續四日夾埋訓得 7 個鐘冇溫書再直接殺去補考 (哼呢科我 die hard 都得!)
到今時今日我仲未死都係個奇蹟
見親醫生都俾醫生鬧我唔食藥
醫生 :「近排有冇準時食藥呀?」
細     :「um... 一時時啦... 」
醫生 :「一個月唔記得食兩三次咁呀? 」
細     :「呀... 係啦...  一個禮拜兩三次倒啦 」( 1日先食 1 次咋wo! )
醫生 :「(啤到行)你咁樣唔得架喎!... 唔準時食藥會肥會腫會鈍會傻下傻下架喎... 你#$%^&*#$%^&*... 」
佢仲緊張過我。

由 Mass Dance 開始我做左 PK女俠!
李惠利主場跳 HipHop 臨 Ending 都可以成個仆到訓左落地下! (多得阿kidd 條粉腸 kick 我!!)
到沙田主場跳 Joint IVE 隻舞又俾人 kick 到我係地下爬左兩秒先走到位!
再到阿 Pan 生日.... 幾檯人圍住中間等切蛋糕
我只不過係跪左上張鄧度輕輕搖左搖之嘛
張鄧竟然反左!!!!!!!!! 我就係咁多人圍住唱生日歌個陣做左主角中左出中間!!!! @n@
呆左。唔知點算之下爬返起身兜返去人群後面遮醜
而家阿潘芷欣 d 朋友講起我都叫我「仆街果個女仔」喇!!!!!
呀點解唔叫我「好靚果個女仔」啊! (喂!)

黎緊 7 月 21 號係 Joint - IVE AP ( 即係 Dance Show 咁啦 )
7:15pm 葵青劇院演藝廳 各位有時間就黎坐下
樓上飛$20．IVE學生$30．非IVE學生$60．不過聽日截止賣飛lu...
sor 呀我次次唔到拉屎個刻都唔同大家講
趕得切既~ 我估
打俾我啦! 不過有定心理準備我會「鈴鈴鈴」你~ 哈哈!

0。........ ***  上篇日記好燥底  多謝各界關心!  *** ........。0
Easy Come 就 Easy Go  而家平靜好多了
唔好諗住恰我
我唔會蝦人, 亦都唔會俾人蝦到我! OK?
唉. 一篇日記. 我冇晒形象la～～～～～～～～～～ 嗚。T^T
***********************************

我憎人假! 憎人姣! 憎人自私!
憎人冇禮貌! 憎人見高拜! 憎人見低踩!
恭喜晒你全中呀仆街!
請自行對號入座
希望係我誤會你啦下

Yeah Yeah! 2008第一篇日記
同大家講句「新年快樂!!! ^0^」先! (天音：頂你~ 而家 3 月喇! )

上個月馬會放工冇專車送要行泥地搭小巴走
好死唔死我又發姣著左對高踭鞋返去
男同事 C 同男同事 A + B 講：「喂, 你地唔等佢架?」
我話：「唔駛啦佢地不嬲唔當我係女」
點知同事 C 即刻講：「你又係既! 男人老狗學咩人著高踭鞋姐!」
我灰左灰。T^T

呢幾排個人好累, 連續一個月一個星期要跳 7 日舞 (呀即係日日都跳haha)
試過激動到一日排 21 個鐘! 累x到xx!!!
兩日冇訓企係度都見暈要搽按摩膏落鼻當白花油
不過有LWL班 *低能跳舞組* 陪我就冇計la~
開心自在感覺好! 癲Cute 玩喪冇煩惱~ [ well都幾押韻^__^ ]
錫晒你地呀下~ (心)

有次排排下舞 Mesell 話：「不如今晚去玩囉?」
幾條友未見過世面就落去見識下
衰在我地冇帶衫換, 個個背心短裙全場著得最多衫係我!!!
長衫長褲長外套仲要有帽! 都未算 kai
一去到 15 分鐘都冇警察查牌係我地隔離搵到包藥
又會個個咁醒知道要隨身帶身份證得我一個冇囉~!
幾百對眼望住 我第一個俾人的出門口搜身 呀!!! (第二個阿Pan哈哈)
嗚呀乜我個樣有咁衰咩下?!!! 下!!!!!!

Oh 我副紅色粗框老姑婆眼鏡中間斷開左lu~ ( 好野等左2年終於可以換! ^0^ )
忙返工忙跳舞冇時間配過副要做盲妹
黎緊 Mass Dance 係咁二宣傳下
3 / 4 12:30 pm 李惠利主場 有時間既係咁二黎撐下場啦~
李惠利 d 女仔 好～索～架～ 嘩哈哈哈!!! XDXDXD
好! 夠長了。Bye~

呢排多野做到甩碌!
連打幾隻字落 xanga 都冇時間~
不過聽日出 Count Down Show 喇再唔寫真係冇人知我表演
Date    ： 31 / 12 (10:00pm左右)
Location： 銅鑼灣世貿中心
妖得個 10 度要著勁少布囉
你地行過銅鑼灣得閒既就黎捧下場la! *v*

我要趕去排舞喇byebye!!!~

嘩原來又好耐理過個日記

唔好講寫野 直頭連睇都費事睇 (陰公囉入左冷宮)

皆因近期迷 Facebook

送下禮物 send 個 hug, 其實都幾無聊 一u一"

嗚呀a!! 再遲下 xanga 應該冇人黎睇了T^T

唉, 前幾日又跌左部電話 ( 忽k 部機先買左一個月 )

放工搭馬會架專車返將軍澳

臨落車懶好人叫個訓緊覺既同事起身落車

掛住叫佢自己又懶就冇望返自己個位有冇漏野

好啦叻啦～漏左部手機喇!!

算條友好彩我唔認得佢... 認得我實啤行佢黎鬧呀~!!!

訓覺唔知醒Y拿! 要人叫落車Y拿! 搞到我冇左部手機Y拿! (吼!!!)

仲有拎我電話個條粉腸呀～

祝您 頭禿耳聾眼盲聲沙口臭鼻塞腎虧爆袋爛屎忽!!!!!!!!!!!!!

行街俾車撞 出街俾狗屌

哼! (完)

同人講 11 月去左旅行

朋友話：「係?! 去左邊呀?」

細：「長隆囉」( 即刻俾人 her )

嗯...... 下次講去 camp 會唔會好d

16, 17 號李惠利 Open Day

為左出 show 呢兩日感覺上有 30 幾個鐘都係去左跳舞

Show 同 show 中間 d 時間同阿 Pan 周圍影相周圍玩

行到攝影學會門口, 有人話「有貼紙相影呀~~^^」

 我 ：「 冇帶銀包喎... 」

 人 ：「 入去影張貼紙相la~ 」

Pan：「 冇帶錢喎... 」

 人 ：「 唔駛錢架~~ ^^ 」

一秒內我地對望一眼一路「去囉去囉!!...」一路跑住入去

頓時覺得自己好可愛 (喂!)

黎緊諗住跑個唔知乜叉野 10 公里比賽

不過淆底所以而家都未去報名

盃就一定冇架喇... 垃圾 cert 應該有一張

有冇人有興趣?? 喂唔該搵個女仔陪下我